Баткен облусуна сегиз айда республикалык бюджеттен 366.1 млн сом каражат бөлүнгөн

Быйыл, сегиз айда Баткен облусуна республикалык бюджеттен 366.1 млн сом бөлүнгөн. Бул тууралуу Финансы министрлиги билдирди.

Анын ичинен: Теңдөөчү трансфертге – 221.7 млн сом, айрым мамлекеттик ыйгарым укуктарды берүүгө – 7 млн сом, электр энергияга 50% компенсация – 54.4 млн сом, калктуу конуштардын башкы планын иштеп чыгууга – 39.9 млн сом, муниципалдык жылуулук ишканаларын субсидиялоого- 29.2 млн сом каржыланган.

Мындан тышкары, Баткен облусунун жергиликтүү өз алдынча башкаруу органдарынын (айыл өкмөттөр) электр энергиясына кеткен чыгымдарды  каржылоого республикалык бюджеттен  -  13.9 млн сом бөлүнүп берилген.