Быйыл март айында чекене соода 17.5%га өстү

Быйыл март айында Кыргызстанда чекене соода 2025-жылдын мартына салыштырмалуу азык-түлүк товарларын сатуунун көлөмү 17.5%га, азык-түлүк эмес товарларды сатуу 1.3 эсеге көбөйдү.

Биринчи кварталда , эки сегментте тең динамика сакталды. Январда азык-түлүк товарларынын жүгүртүлүшү 34 млрд 471.5 млн сомду, февралда 33 млрд 821.3 млн сомду түзсө, март айында 40 млрд 4.9 млн сомго жетти. Жылдык эсеп менен алганда март айындагы өсүш 17.5%ды түздү.

Азык-түлүк эмес товарлар сегменти кыйла тез өсүштү көрсөтүүдө. Январда жүгүртүү 33 млрд 119.7 млн сомду, февралда 33 млрд 686.3 млн сомду, ал эми мартта 38 млрд 590.2 млн сомду түздү. Март айындагы жылдык өсүш 32.8%га жетти.

Чекене сооданын жалпы көлөмү, коомдук тамактануу ишканаларын кошкондо, январь-март айларында өткөн жылдын ушул мезгилине салыштырмалуу 17.2%га өстү. Өсүшкө негизги салымды адистештирилген соода уюмдары жана базарлар кошту.