Былтыр Ысык-Көлдүн Жети-Өгүз районуна 58 миңден ашык турист келип кеткен. Бул тууралуу Экономика жана коммерция министрлиги билдирди.  

Министрлик Жети-Өгүзгө келген туристтердин саны жылдан жылга өсүп жатканын белгиледи.  

"Райондо 150дөн ашык туристтик чарба бар жана тоо туризми, ат минүү, жөө саякаттоо, альпинизм сыяктуу 10дон ашык таанымал маршруттар иштеп жатат", - деп айтылат маалыматта. 

Экономика министрлиги аймакка туристтерди тартуу үчүн инфраструктураны жакшыртуу маанилүү экенин кошумчалады. 

Алдыда райондо 30 чакырымдан ашык жолду оңдоо, саркынды сууларды тазалоо системасын жаңылоо, экотуризмди өнүктүрүү, Жети-Өгүздүн маданиятын көрсөтүүчү маалымат борборлорун ачуу пландалууда.  

"Жети-Өгүздүн жети керемети" идеясы аркылуу туризмди өнүктүрүү максатталууда.