Жарыяланган
2026-09-09, 11:31Баткен облусунда реабилитациялык борбор жок болгондуктан, айрым жарандар дарылануу үчүн коңшу Өзбекстанга барып жатышат. Бул тууралуу депутат Ырысбек Атажанов 9-сентябрда Жогорку Кеңештин жыйынында билдирди.
Анын айтымында, Кыргызстанда ДЦП менен төрөлгөн балдардын саны жыл сайын өсүп жатканына карабастан, Баткенде бир дагы реабилитациялык борбор жок. Ал эми, борборго барып дарылануу жарандар үчүн көп убакытты талап кылат.
Депутат буга байланыштуу, Баткен облусуна реабилитациялык оорукана курууну сунуштады.
