Артем Новиков: ЕАЭБге технологиялык секирик керек

Кыргызстандын ЕАЭБге мүчө болгонунун 10 жылдыгын утурлай адистер бирикмени өнүктүрүү үчүн "экинчи дем" керек экенин айтышууда. Санкциялар жана технологияларга жетүү кыйын болуп жаткан учурда, жогорку технологиялуу тармактарга өзгөчө көңүл буруу зарыл. Бул тууралуу Россия-Кыргыз өнүктүрүү фондунун башчысы Артем Новиков билдирди.

"Көнүп калган соодадан баш тартып, машина куруу, фармацевтика жана химия өнөр жайында биргелешкен өндүрүш чынжырларын түзүүгө өтүүнү сунуштайбыз. Мындай кооперация ЕАЭБди жабдыктарды саткан башка өлкөлөрдөн көз карандылыктан арылтууга, ички инвестициялардын көбөйүшүнө өбөлгө түзөт", — деди Артем Новиков.

Ал белгилегендей, бюрократияны азайтуу жана компаниялар үчүн чыны менен иштей турган инструменттерди ишке киргизүү ийгиликке өбөлгө түзөт.