Жарыяланган
2025-23-10, 15:02iPhone 17 Proнун баасы 135 миң сом. Бул — жөн эле жаңы телефон эмес, Кыргызстандагы жашоо деңгээлин да көрсөтүп тургандай. Өлкөдө орточо айлык 42 миң 522 сом болсо, бул моделди сатып алуу үчүн жаран айлыгын толук чогултса, үч айдан ашык убакыт иштеши керек.
Бирок бул мөөнөт аялдар менен эркектер үчүн бирдей эмес. Себеби аялдардын айлыгы 2023-жылдын аягындагы маалыматка ылайык, орточо эсеп менен эркектерден 26.6%га аз. Жаңы iPhone сатып алуу үчүн эркек киши болжол менен 3 ай, аялдар 4.5 ай иштеши керек болот.
Региондогу көрсөткүчтөр өлкөдөгү экономиканын түрдүү темпте өнүгүп жатканын көрсөтөт.
| Регион | Орточо айлык | iPhone 17 Pro алыш үчүн канча ай иштеш керек |
|---|---|---|
| Бишкек | 53 909 | ≈ 2,5 ай |
| Ысык-Көл облусу | 46 228 | ≈ 2,9 ай |
| Нарын облусу | 39 546 | ≈ 3,4 ай |
| Талас облусу | 39 247 | ≈ 3,4 ай |
| Жалал-Абад облусу | 34 622 | ≈ 3,9 ай |
| Ош | 34 715 | ≈ 3,9 ай |
| Чүй облусу | 33 450 | ≈ 4 ай |
| Баткен облусу | 31 093 | ≈ 4,3 ай |
| Ош облусу | 26 777 | ≈ 5 ай |
Эгер аймактардагы аялдардын айлыгы орточо эсеп менен эркектерге караганда төрттөн бирге аз экенин эске алсак, Баткен облусундагы аялга жаңы iPhone сатып алуу үчүн дээрлик 6 ай иштөөгө туура келет.
Салыштырсак, Statista маалыматтары боюнча, АКШда орточо айлык алган жумушчу бул телефонду 31 саатта, Швейцарияда — 26 саатта, ал эми Түштүк Кореяда — 80 саатта иштеп ала алат. Ал эми Кыргызстанда жумушчулар орточо эсеп менен бир жумада 38.1 саат иштешет.
