Жарыяланган
2026-30-06, 10:11Жаратылыш министрлигине караштуу Экологиялык жана техникалык көзөмөл кызматы Ысык-Көл облусунда бир жумалык рейд өткөрдү. Анын жыйынтыгында мыйзам бузгандарга жалпысынан 190 миң сом айып пул салынды.
Маалыматка ылайык, рейддин максаты – жаратылышты коргоо боюнча мыйзамдардын сакталышын көзөмөлдөө, мыйзам бузууларды аныктоо жана алардын алдын алуу болду.
Текшерүүнүн жүрүшүндө жаратылышты коргоо мыйзамдарын бузган 23 факт аныкталып, тиешелүү административдик протоколдор түзүлдү.
