Кыргыстандын Улуттук банкынын чет элдик кредиторлорго карызы 1-январга карата дээрлик 58%га өстү

Кыргызстандын Улуттук банкынын чет элдик кредиторлорго болгон карызы бир жылда олуттуу өстү. 2026-жылдын 1-январына карата ал 232.6 млн долларды түзүп, өткөн жылдагы 147.5 млн долларга салыштырмалуу 85.1 млн долларга же 57.7%га көбөйдү.

Ага карабастан, Кыргызстан ЕАЭБ өлкөлөрүнүн ичинде акча-кредиттик сектордун тышкы карызы эң төмөн өлкөлөрдүн бири бойдон калууда. Мисалы, Казакстанда бул көрсөткүч 2.59 млрд доллар, Арменияда 802.4 млн долларды түзгөн. Ал эми Россия менен Беларусияда мындай карыз өзүнчө бөлүнүп көрсөтүлбөйт.

Жалпысынан 2026-жылдын 1-январына карата Кыргызстандын тышкы карызы 12.44 млрд доллар болгон. Анын ичинен:

•    5.35 млрд доллар — мамлекеттик башкаруу органдарынын карызы; 
•    664.9 млн доллар — банктардын карызы; 
•    4.39 млрд доллар — экономиканын башка секторлорунун карызы; 
•    1.81 млрд доллар — түз инвестициялар жана компаниялар аралык кредиттөө. 

Салыштырсак, 2025-жылдын 1-январына карата өлкөнүн жалпы тышкы карызы 12.38 млрд долларды түзгөн. Демек, бир жыл ичинде тышкы карыз дээрлик өзгөргөн эмес.