Жарыяланган
2026-24-09, 13:06Кыргызстан менен Кытай дан азыктарын «Торугарт» өткөрмө пункту аркылуу экспорттоо боюнча макулдашты. Бул кыргызстандык дыйкандарга, анын ичинде Чүй облусундагы өндүрүүчүлөргө Кытай рыногуна продукция чыгарууга жаңы мүмкүнчүлүк түзөт.
Макулдашуу 22-сентябрда Министрлер Кабинетинин төрагасынын орун басары — министр Эрлист Акунбеков менен Кытайдын Башкы бажы башкармалыгынын министри Сунь Мэйцзюньдун жолугушуусунда жетишилди.
Дан азыктарын «Торугарт» аркылуу ташуу «Эркештам» өткөрмө пунктундагы жүктөмдү азайтып, айыл чарба продукциясын экспорттоого шарт түзөт. Тараптар «Торугарттын» иштөө убактысын узартуу мүмкүнчүлүгүн да талкуулашты.
Мындан тышкары, Кытайга жылкыларды, термикалык иштетилген кой жана эчки этинен жасалган азыктарды, ошондой эле жаңы мөмө-жемиштерди экспорттоо боюнча үч протоколго кол коюлду.
