Жарыяланган
2024-05-11, 13:31Кыргызстанда арпа менен буудайдын түшүмү толук жыйналып бүттү. Бул тууралуу Суу ресурстары, айыл чарба жана кайра иштетүү өнөр жайы министрлигинин маалыматында айтылат.
Белгилүү болгондой, түшүм былтыркыга салыштырмалуу 1,5 эсе көп чогулду.
Алсак, буудайдын дүң жыйымы 722 миң тоннаны түзүп, өткөн жылга караганда 248 миң тоннага көп болду. Ал эми арпаныкы 638 миң тоннага жетип, былтыркыдан 214 миң тонна көп түшүм алынды.
