Akchabarsearch
Кыргызстанда камсыздандыруу төгүмдөрүнөн 9 айда 9.3 млрд сом түштү

Жарыяланган

2026-20-11, 10:10

Кыргызстанда камсыздандыруу төгүмдөрүнөн 9 айда 9.3 млрд сом түштү

2026-жылдын январь-сентябрь айларында Кыргызстандагы камсыздандыруу компанияларына 9.3 млрд сом камсыздандыруу төгүмү түшкөн. Бул өткөн жылдын ушул мезгилине салыштырмалуу 25%га көп. Бул тууралуу Улуттук статистика комитети билдирди.

Маалыматка ылайык, өлкөдө 20 камсыздандыруу компаниясы иш алып барат. Алардын жалпы кирешеси 35%га өсүп, 11 млрд сомдон ашкан. Бирок компаниялардын таза пайдасы дээрлик үчтөн бирге азайып, 697.5 млн сомду түзгөн.

Жыл башынан бери 2 миллиондон ашык камсыздандыруу келишими түзүлгөн. Анын 88%ы жеке жактарга туура келсе, 52%га жакыны ыктыярдуу камсыздандыруу келишимдери болгон.

Бул мезгилде 52 миңден ашык камсыздандыруу учуру катталган. Анын 42%ы автоунаа ээлеринин жарандык жоопкерчилигин милдеттүү камсыздандырууга (ОСАГО), 26%ы кырсыктардан жана оорулардан ыктыярдуу камсыздандырууга туура келген.

Камсыздандыруу компаниялары жарандарга жана ишканаларга жалпысынан 1.7 млрд сом төлөп берген. Анын 56%ы мүлктү ыктыярдуу камсыздандырууга, 28%га жакыны ОСАГО боюнча төлөмдөргө туура келген.


Тектеш материалды окуу

  • Кыргызстанда камсыздандыруу төгүмдөрүнөн 9 айда 9.3 млрд сом түштү

    2026-жылдын январь-сентябрь айларында Кыргызстандагы камсыздандыруу компанияларына 9.3 млрд сом камсыздандыруу төгүмү түшкөн. Бул өткөн жылдын ушул мезгилине салыштырмалуу 25%га көп. Бул тууралуу Улуттук статистика комитети билдирди.
    2026-20-11 04:10:03
  • ОСАГО «Мой О!» тиркемесинде: полисти 10% кешбэк менен ачыңыз

    «Мой О!» супертиркемеси автоунааларды камсыздандыруу боюнча жаңы сервисти ишке киргизди. Эми камсыздандыруу полисин үйдөн чыкпай туруп, каалаган убакта онлайн тариздесе болот. Сервис — жол кырсыгында келтирилген зыянды жаба турган ОСАГО полисин алуу процессин унаа ээлери үчүн бир кыйла тездетет.
    2024-28-11 08:00:23