Кыргызстанда сегиз айда жаңы төрөлгөндөрдүн саны 90 миңден ашты

Быйыл январь-август айларында Кыргызстандын туруктуу калкынын саны 79.6 миң адамга же 1.1%га өстү жана 1-сентябрга карата жалпы 7 млн 361 миң адамды түздү. Бул тууралуу Улуттук статистика комитетинин маалыматында айтылат.

Бул убакыт ичинде Жарандык абалдын актыларын каттоо органдарында 90.7 миң жаңы төрөлгөн ымыркай катталып, өлгөндөрдүн саны 21.6 миңди түздү. Натыйжада калктын табигый өсүү көрсөткүчү 69.1 миң адамга жетти.

Табигый өсүүнүн эң жогорку көрсөткүчү Баткен (18.7%), Ош (17.4%) жана Жалал-Абад (16.7%) облустарында, эң төмөнү Бишкек шаарында (8.1%) байкалган.