Жарыяланган
2026-21-05, 11:33Кыргызстандагы Депозиттерди коргоо фондунун катышуучулары быйылкы жылдын алгачкы үч айында аманаттарды коргоо системасына 366.3 млн сом которушту.
Бул 2025-жылдын ушул эле мезгилине салыштырмалуу 42%га көп. Ал кезде банктар жана системанын башка катышуучулары тарабынан түшкөн каражат 258.1 млн сом болгон.
Мындан тышкары, фондго келечектеги төлөмдөр үчүн дагы 10 млн сом кошумча каражат түшкөн.
2025-жылдын жыйынтыгында фондго жалпы 1.2 млрд сом түшкөн. Бул 2024-жылга салыштырмалуу жогору көрсөткүч, анда 860.9 млн сом болгон.
Ошол эле учурда фонд өз каражаттарын баалуу кагаздар жана депозиттер аркылуу активдүү башкарууну улантууда. 2026-жылдын январь–март айларында фонд 8 млрд сомдон ашык каражатты баалуу кагаздарды сатып алууга багыттаган. Ал эми мурда сатылып алынган баалуу кагаздар боюнча кайтарылган сумма 7.7 млрд сомдун тегереги болгон.
Депозиттерди коргоо фонду банк жабылып калган же кризис болгон учурда жарандардын аманаттарын мамлекет тарабынан кепилденген тартипте кайтарып берет.
