Жарыяланган
2026-09-06, 10:05Кыргызстандын Улуттук банкы 8-июнда валюта рыногунда дагы бир интервенция жүргүзүп, жалпы 170.2 млн доллар сатты.
Анын ичинен 76.7 млн доллар бүтүм түзүлгөн күнү эсептешүү шарты менен, ал эми 93.5 млн доллар кийинчерээк эсептешиле турган шартта сатылган.
Бул 2026-жыл башталгандан берки жетинчи валюталык интервенция болду. Июнь айындагы операция быйылкы эң ири интервенциялардын бири катары катталды.
Акыркы операцияны кошкондо, Улуттук банк жыл башынан бери сомдун туруктуулугун камсыздоо үчүн жалпысынан 1 млрд 64 млн доллардан ашык валюта сатты.
Белгилей кетсек, буга чейинки интервенция 16-апрелде жүргүзүлгөн. Андан бери дээрлик эки ай өткөн соң Улуттук банк кайрадан валюта рыногуна чыкты.
