Быйыл январь – март айларында Кыргызстанга чет жактан дээрлик 6 миң тонна банан импорттолду. 2024-жылы үч айда өлкөгө сырттан 5.8 миң тонна банан келген.

Кыргызстанга ташылып келген банандардын 90%дан ашыгы Эквадордон сатып алынган. Ал жактан 5 миң 397.3 тонна импорттолду. Былтыр январь – март айларында  Эквадордон 5 миң 32.6 тонна банан ташылып келген.

Кызыктуусу быйыл Индиядан Кыргызстанга алгач ирет банан импорттолду: 41.8 тонна сатып алынган. Буга чейин аталган өлкөдөн банан ташылып келген эмес. 

Ошол эле учурда Түркиядан банандын импорту токтогон. 2024-жылы ал жактан 73.5 тонна банан сатып алынган.

Ошондой эле Кытайдан банандын импорту 362.4 тоннадан 163.8 тоннага чейин жана Россиядан 430.2 тоннадан 391.2 тоннага чейин азайган.