Жарыяланган
2025-27-08, 14:34Мүлк салыгын төлөө мөөнөтү 2025-жылдын 1-сентябрында аяктайт. Бул тууралуу Салык кызматы билдирди.
Быйыл январь-август айларында турак жай жана имараттардан 19.4 млн сом, ал эми короо-жай жана бакча участокторунан 12.5 млн сом салык чогултулган.
Авто эсептөө аркылуу 2 млн 377 миңден ашуун билдирүү салык төлөөчүлөрдүн электрондук кабинетине жөнөтүлгөн.
Эске салсак, жарандар 1-сентябрга чейин өздөрүнүн электрондук кабинетинен салыктын суммасын текшерип, төмөнкү салыктарды төлөшү керек:
– турак үйлөргө, батирлерге салык (ишкердик иш үчүн пайдаланылбаган),
– үй жанындагы, короо-жай жанындагы жана бак-чарба жер участокторуна салык.
Төлөмдү QR-код же төлөм коду аркылуу жүргүзүүгө болот. Салыкты кечиктирген күндөр үчүн күнүнө 0,09% өлчөмүндө туум кошулат.
