Нургүл Аднаева саламаттык сактоо министринин санариптик өнүктүрүү боюнча орун басары болуп дайындалды. Бул тууралуу өкмөттүн маалымат кызматы билдирди. 

Дайындоо тууралуу документке министрлер кабинетинин төрагасы Адылбек Касымалиев кол койду.

Нургүл Аднаева буга чейин саламаттык сактоо министринин кеңешчиси, өкмөттүн аппаратынын социалдык өнүктүрүү бөлүмүнүн эксперти, Кыргызстан эл аралык университетинин Эл аралык медицина мектебинин ректорунун кеңешчиси жана башка бир катар кызматтарда иштеген.