Равшанбек Сабиров Инвестициялар боюнча агенттиктин директору болуп дайындалды

Эмгек, социалдык камсыздоо жана миграция боюнча мурдагы министр Равшанбек Сабиров КРнын Президентине караштуу Инвестициялар боюнча улуттук агенттиктин директору болуп дайындалды.

Эскерте кетсек, ал буга чейин министрлик кызматтан башка ишке өткөндүгүнө байланыштуу бошотулган.

Мындан тышкары, Фархат Иминов Виртуалдык активдер жана блокчейн технологиялар чөйрөсүн өнүктүрүү боюнча улуттук кеңештин катчылыгынын жетекчиси болуп дайындалды. Ал буга чейин башка мамлекеттик кызматта иштеп келген.

Тиешелүү документтерге Президент Садыр Жапаров кол койду.