“Торугарт” өткөрмө пунктунда электрондук кезек киргизилди

"Торугарт" өткөрмө пунктунда жүк ташуучу унаалар үчүн электрондук кезек системасы киргизилип, инфраструктураны модернизациялоо иштери улантылууда. Бул тууралуу “Мамлекеттик бажы инфраструктурасынан” билдиришти.

Жаңы система унааларды алдын ала каттоодон өткөрүп, «Кара-Булак» күтүү аймагында уюштуруп, белгиленген электрондук тартипте өткөрмө пунктка жөнөтөт.

Бул чаралар:

• өткөрмө пункттагы унаалардын топтолушун алдын алуу;
• жолдорго түшкөн жүктү азайтуу;
• унаалардын агымын тең салмактуу бөлүштүрүү;
• мамлекеттик чек арадан өтүүнүн ачыктыгын камсыз кылуу максатында жүргүзүлөт.

Жумушчу сапардын алкагында мамлекеттик органдардын жетекчилери инфраструктуранын модернизациялоо иштеринин жүрүшү менен таанышып, жаңы күтүү залы, административдик имараттар жана инспекциялык-көзөмөл комплекси каралды. Бул долбоор транзиттик потенциалды күчөтүп, экспорт-импорт операцияларын натыйжалуу жүргүзүүгө шарт түзөт.