2024-жылдын январь-сентябрь айларында Кыргызстанда 3,8 миллиард сомдук 1 миң 6 айыл чарба техникасы лизингге алынган. Бул өткөн жылдын ушул мезгилине салыштырмалуу 156 даанага көп, бул 700 миллион сомго көп. Бул тууралуу Суу чарба жана өнөр жай министрлиги билдирди.

Ошондой эле, жаңы машина-трактордук станциялардын (МТС) саны 15 бирдикти түздү, 47 айыл чарба кооперативдери түзүлдү. Тамчылатып сугаруу системасын ишке киргизген субъектилердин саны 806 бирдикке жетип, 1 миң 321 гектар аянтты сугарууга мүмкүнчүлүк түздү. Күнөскана чарбалары 22 бирдикке көбөйүп, ээлеген аянты 5,9 гектарды түздү.

Улуттук статистикалык комитеттин маалыматы боюнча, айыл чарба продукциясын кайра иштетүү тармагында тогуз айда  61,4 миллиард сомдук тамак-аш азыктары өндүрүлгөн, бул өткөн жылга салыштырмалуу 11,9 миллиард сомго көп. Өсүү темпи 122,6% түздү.

2024-жылдын январь-сентябрь айларында соода-логистикалык борборлордун саны 34 бирдикти түздү, бул 2023-жылдын ушул мезгилине салыштырмалуу 2 борборго көп.