Каржы министри Алмаз Бакетаев, Япониянын элчиси Хидэки Гото жана JICA өкүлү Хироюки Кавамато ортосунда 2 млрд 153 млн иен (13,8 млн долларга жакын) суммасында гранттык макулдашууга кол коюлду. Бул тууралуу аталган министрликтин басма сөз кызматы билдирди.

Долбоор “Манас” жана “Ысык-Көл” аэропортторунун аба кыймылын башкаруу системасын модернизациялоого, ошондой эле "Ош" аэропортундагы диспетчердик мунараны реконструкциялоого багытталган. Бул учуунун коопсуздугун жана потенциалын жакшыртат, ошондой эле транспорттук инфраструктураны жана аймактык байланыштарды өнүктүрүүгө салым кошот.