Бүгүн Ысык-Көлдө өткөн кыргыз-азербайжан бизнес форумунда Азербайжан Кыргызстанга 800 млн доллардан ашык инвестиция салууга даяр экендигин билдирди.

Маалыматка ылайык, бизнес форумдун жыйынтыгында алты документке кол коюлду, алар:

• “Кыргыз фондулук биржасы” ЖАК менен “Баку фондулук биржасы” ЖАКтын ортосундагы өз ара түшүнүшүү жөнүндө меморандум;
• “Смарт Логистик” ЖЧКсы менен “Абшерон Логистик” ЖЧКсынын ортосундагы логистика тармагында кызматташуу жөнүндө меморандум;
• Коммерциялык эмес уюмдар “Азербайжанда аялдардын ишкердигин өнүктүрүү ассоциациясы” коомдук бирикмеси менен “Келечектин үчилтик шаары” коомдук бирикмесинин ортосунда кызматташуу жөнүндө макулдашуу;
• “Новелл” ЖЧКсы менен жеке ишкер Гусейнов Хабилдин ортосунда топоздун тоңдурулган этин сатып алуу боюнча меморандум;
• “Карабах Ампут футбол клубу” ЖЧКсы менен “Келечектин Тринити шаары” коомдук бирикмесинин ортосунда кызматташуу жөнүндө макулдашуу;
• “Жаштар тилектештигин колдоо” коомдук бирикмеси менен “Жолборс тайм” коомдук бирикмесинин ортосундагы кызматташуу жөнүндө макулдашуу.