Быйыл 1-августтан тарта Баткен облусунда 2021-жылдын апрель айында жана 2022-жылдын сентябрь айында Баткен жана Ош облустарында болгон окуялардын кесепетинен жабыркагандарга социалдык жөлөкпулдар жогорулатылган. Бул тууралуу Эмгек, социалдык камсыздоо жана миграция министрлиги билдирди.

Жөлөкпулдун өлчөмү 3,7 миң сомдон 5,5 миң сомго көбөйтүлдү.

Ай сайын кошумча социалдык жөлөкпулдар:

• курман болгондордун балдары 18 жашка чыга элек болсо;
• эгерде өлгөн адам жалгыз бала болсо, пенсия курагына жеткенде каза болгон адамдардын ата-энелерине (атасына, апасына);
• ден-соолугунун мүмкүнчүлүктөрү чектелүү деп табылган жабырлануучуларга - майыптыгы аныкталган күндөн тартып медициналык-социалдык эксперттик комиссиянын корутундусунун мөөнөтү аяктаганга чейин дайындалат.