Бүгүн Бишкекте бош жумуш орундар жана кесиптер жарманкеси өтөт. Эмгек, социалдык камсыздоо жана миграция министрлигинен билдиришкендей, анда 4 миңден ашык вакансия сунушталат.

Иш-чара Жусуп Баласагын атындагы Кыргыз улуттук университетинде өтөт.

Жарманкеде 40тан ашык ири компания катышып, жарандарга иш берүүчү менен түз маектешүү аркылуу жумуш табуу мүмкүнчүлүгү түзүлөт.