"Бишкексуучарба" муниципалдык ишканасына жаңы жетекчи дайындалды. Тиешелүү буйрукка мэр Айбек Жунушалиев кол койду.

Маалыматка ылайык, аталган ишкананын директору болуп Болотбек Одракаев дайындалды.

Эске салсак, “Бишкексуучарба” муниципалдык ишканасынын мурдагы директору Жумабек уулу Радик өз ишин так аткарбагандыгы үчүн ээлеген кызматынан бошотулган. Тагыраагы, Ала-Арча дарыясынын нугундагы ылайдан арылтуу боюнча чараларды көрбөгөндүгү, суунун абалына жана муздун көлөмүнө жетиштүү көзөмөл жүргүзбөгөндүгү үчүн кызматтан кеткен.