Чүй районунун Чүй айылында 13 бөлмөлүү административдик имарат пайдаланууга берилди. Бул тууралуу президенттин Чүй облусундагы өкүлчүлүгүнөн билдиришти.

Белгиленгендей, аталган имарат 1981-жылы курулуп, мурун Айыл чарба министрлигинин карамагында болгон. 2022-жылы Чүй райондук мамлекеттик администрациясынын балансына өткөрүп берилип, 2023-жылдын апрель айында республикалык бюджеттен капиталдык оңдоодон өткөрүүгө 7 млн сом каражат бөлүнгөн.

Аталган имаратта райондук агрардык өнүктүрүү жана салык кызматынын райондук башкармалыктары жайгашмакчы.