Улуу Британиянын авиация тармагынын өкүлдөрүнүн айтымында, аба каттамдарын декарбонизациялоонун баасы билеттердин баасын жогорулатып, кээ бир каттамдарды кечеңдетиши мүмкүн. Бул тууралуу BBC Business жазды.

Туруктуу авиациянын (sustainable aviation) айтымында, кымбатыраак туруктуу авиациялык күйүүчү майга өтүү сыяктуу экологияга кам көргөн чаралар сөзсүз түрдө жүргүнчүлөргө суроо-талапты азайтат. Бирок, сурамжылоолорго ылайык, адамдар кымбатыраак чыгымдарга карабай учкулары келет.

“Экологиялык жашыл аба каттамдары боюнча 2050-жылга чейин жылдык жүргүнчүлөрдүн саны дээрлик 250 миллионго көбөйүшү күтүлүүдө”, - деп айтылат маалыматта.

Авиация тармагын декарбонизациялоо – казылып алынган отундарды (керосин) туруктуу авиациялык отунга (SAF): биоотун, синтетикалык отун жана суутек менен алмаштыруу.

Туруктуу авиация – бул British Airways сыяктуу авиакомпанияларды, Хитроу сыяктуу аэропортторду жана Airbus сыяктуу өндүрүүчүлөрдү камтыган компаниялардын альянсы.

Туруктуу авиациялык күйүүчү май (Saf) айыл чарба калдыктары сыяктуу туруктуу булактардан өндүрүлөт жана кадимки авиакеросинге салыштырмалуу көмүртек чыгарууну 70%га чейин азайтат.

Бирок, учурда аны өндүрүү бир нече эсе кымбатка турат.