2024-жылдын июнь айынан тарта жылуулукка жана ысык сууга төлөм акы кайра каралат. Бул тууралуу Жогорку Кеңештин бюджет комитетинин жыйынында энергетика министринин орун басары Таалайбек Байгазиев билдирди.

Анын айтымында, жыл аягына чейин электр жарыгына баа жогорулабайт.

"Электр жарыгына баа май айында 11 тыйынга өстү. Жыл аягына чейин өзгөрбөйт. Бирок бизде жылуулук энергиясы тармагында тариф аксап турат. Июнь айынан тарта ал каралат", - дейт Байгазиев.