Өткөн жылы Евразия турукташтыруу жана өнүктүрүү фонду менен Кыргыз Республикасын орто мөөнөттүү мезгилге өнүктүрүү программасына ылайык Кыргызстанга бюджеттик колдоо көрсөтүү жөнүндө келишим түзүлдү. Бул тууралуу министрлер кабинетинин басма сөз кызматынан билдиришти.

2022-жылга республикалык бюджетти түзүүдө бюджеттин киреше бөлүгүндө 80,0 млн доллар өлчөмүндө ЕФСР зайым каражаттары каралган.

Жогоруда аталган каражаттар республиканын экономика тармагын колдоого жумшалат:

• туризм тармагын стимулдаштыруу үчүн Туризмди өнүктүрүү фондун каржылоо;
• Кыргызстандын өнөр жайын өнүктүрүү жана колдоо үчүн «Кыргызиндустрия» ААКсын каржылоо;
• Ишкердикти колдоо фондун каржылоо (чакан жана орто бизнес үчүн жеңилдетилген кредиттерди берүү);
• энергетика тармагын колдоо жана суу чарба объекттерин жакшыртуу үчүн бюджеттик кредит берүү.

Белгилеп кетсек, бул иш-чараларды каржылоо республиканын экономикалык өнүгүүсүнө оң таасирин тийгизет, бул келечекте мультипликативдик эффект берип, тартылган каражаттарды кайтарып берүү үчүн бюджеттин киреше бөлүгүнө таасирин тийгизет.