2021-жылдын 11-мартында Европа Биримдиги Кыргызстанга Саламаттык сактоо жана социалдык өнүктүрүү министрлигине COVID-19 пандемиясына каршы күрөшүү үчүн жалпы суммасы 100 миң еврого бааланган материалдарды өткөрүп берди. Бул тууралуу министрликтин басма сөз кызматы билдирет.

[news 30319]

Маалыматка ылайык, материалдар диагностикалык жана сыноолорду жүргүзүү үчүн тесттик топтомдорду камтып, 8 миң ПЧР-тест жасоого жетиштүү.

Эске салсак, Европа Биримдиги COVID-19 пандемиясына жооп иретинде Кыргызстанды колдоо үчүн 43 миллион евродон ашык каражат менен мобилизацияланган.