Жарнама жөнүндө мыйзамды бузгандыгы үчүн Golden Stroy курулуш компаниясына айып салынды. Бул тууралуу Монополияга каршы жөнгө салуу кызматынын маалымат кызматы билдирди.

Монополияга каршы орган тарабынан Golden Stroy курулуш компаниясы тарабынан батирлердин баасынын онлайн-калкуляторун АКШ долларында жайгаштыруу боюнча КРнын «Жарнак жөнүндө» мыйзамынын талаптарын бузуу фактысы аныкталды, бул аталган мыйзамдын 5-беренесинин 11-бөлүгүнө карама-каршы келет.

“Жыйынтыгында, талаптагыдай эмес жарнамасы үчүн Golden Stroy курулуш компаниясына карата КР Укук бузуулар жөнүндөгү кодексинин 404-беренесине ылайык жаза чарасын салуу жөнүндө токтом чыгарылган”,- деп айтылат маалыматта.

Белгилей кетсек, өткөн жылы Монополияга каршы жөнгө салуу мамлекеттик агенттиги тарабынан “Жарнак жөнүндө” мыйзамды бузган ишкерлерге 917,5 миң сом өлчөмүндө айып салынган. Баарынан да ишкерлерге бардык суммалар улуттук валютага конвертацияланууга тийиш деген мыйзамдын талаптарына каршы туруп, жарнамада товарлардын жана кызмат көрсөтүүлөрдүн баасын АКШ долларында көрсөткөнү үчүн төлөөгө туура келген.

Өзгөчө белгилей кетүүчү нерсе, бул укуктук ченемдин талабына көбүнчө курулуш компаниялары көңүл бурбай келет деген тыянак чыгарууга болот.

Ал эми үстүбүздөгү жылдын башында “Upim” дүкөнүнө КРнын “Укук бузуулар жөнүндө” кодексине ылайык айып салынган.