Экономика жана коммерция министрлиги “Салык салуу жана социалдык камсыздандыруу чөйрөсүндөгү КРнын айрым мыйзам актыларына өзгөртүүлөрдү киргизүү жөнүндө” мыйзам долбоорун иштеп чыкты.

Мыйзам долбоору камсыздандыруу төгүмдөрүнүн тарифтерин 27,25%дан 12,25%га чейин төмөндөтүүнү карайт, мында:

• 2,25% - иш берүүчү тарабынан төлөнөт;
• 10% - кызматкер тарабынан төлөнөт.

Бирок, мыйзам долбооруна ылайык, камсыздандыруу төгүмдөрүнүн тарифтери:

• мамлекеттик бюджеттен каржылануучу уюмдар;
• мамлекеттик маанидеги жер казынасын иштетүүчү жана мамлекеттик маанидеги жер казынасын пайдаланууга лицензиясы бар тоо-кен казып алуу ишканалары,
• электр, жылуулук жана газ менен камсыз кылуу (камсыздоо) боюнча ишти жүзөгө ашыруучу уюмдарга кыскарбайт.
• КРнын мыйзамдарына ылайык бул ишти жүзөгө ашырууга лицензиясы бар мунайзаттарын өндүрүү жана кайра иштетүүчү субъекттерди кошпогондо, алкоголду, тамеки буюмдарын жана күйүүчү-майлоочу материалдарды өндүрүү жана импорттоо боюнча ишкердиктин субъекттери;
• КРда лицензиялык-уруксат берүү тутуму чөйрөсүндө (өсүмдүк чийки затынан биоэтанолду өнөр жайлык өндүрүүнү жана аны сатууну кошпогондо, мунай жана жаратылыш газын кайра иштетүү);
• уюлдук байланыш чөйрөсүндө иш жүргүзгөн субъекттер;
• Интернет провайдерлери;
• коммерциялык банктар, адистештирилген финансы-кредиттик мекемелер үчүн кыскарбайт.