«Кавак» улуттук компаниясы» ачык акционердик коому түзүлдү. Тийиштүү чечимге Кыргызстандын министрлер кабинетинин төрагасы Акылбек Жапаров кол койгон. Бул тууралуу министрлер кабинетинин басма сөз кызматынан билдиришти.

Аталган компания Кара-Кече жана Миң-Куш кендерин натыйжалуу иштетүү тутумун уюштуруу максатында түзүлгөн.

"Мамлекеттик мүлктү башкаруу боюнча фонд уставдык капиталы 1 млн сом өлчөмүндө аныкталган бул компаниянын уюштуруучусу катары саналат",- деп айтылат маалыматта.

Буга байланыштуу Мамлекеттик мүлктү башкаруу боюнча фондуна төмөнкүлөр тапшырылды:

• «Кавак» улуттук компаниясы» ААКтын уставын бекитсин жана «Кавак» улуттук компаниясы» ААКты юстиция органдарында мамлекеттик каттоо жүргүзсүн;
• – баалуу кагаздар рыногун жөнгө салуу боюнча ыйгарым укуктуу мамлекеттик органда «Кавак» улуттук компаниясы» ААКтын уюмдаштыруу чыгарылыштагы акцияларынын мамлекеттик каттоосун камсыз кылсын.