«Кепилдик фондунун» капиталы 1 млрд сомго көбөйтүлөт. Бул тууралуу өкмөт үйүндөгү маалымат жыйында «Кепилдик фонду» ААК башкармалыгынын башчысы Малик Абакиров билдирди.

[news 24159]

Анын айтымында, бүгүнкү күнү алардын капиталы 1 млрд 200 млн сомду түзөт.

«Статистиканы алып көрсөк, биздин ишкерлердин 40-50%ында кепилдикке муктаждык бар. Бүгүнкү күнү биздин капиталыбыз 1 млрд 200 млн сомду түзөт. Ишкерлерге кепилдик берүү үчүн бизге кошумча капитал керек. Улуттук банк биздин акционерлердин бири болот. Ал капиталды 1 млрд сомго көбөйтүү боюнча чечим кабыл алды», - деди ал.