Эмгек, социалдык коргоо жана миграция министрлигинин Көндүмдөрдү өнүктүрүү фонду аркылуу дээрлик 29 миң кыргызстандык кесипке ээ болду.

Маалыматка ылайык, Көндүмдөрдү өнүктүрүү фонду 2016-жылдан бери колледждерде жана кесиптик лицейлерде кыска мөөнөттүү окуу курстарын уюштуруп келет. Учурда фонд 98 билим берүү мекемеси, анын ичинде 72 кесиптик лицей, 9 колледж, 14 жеке окуу борборлору жана 3 университет менен келишим түзгөн. Алардын негизинде 127 кесипти үйрөнүүгө болот.

Иштин жүрүшүндө Көндүмдөрдү өнүктүрүү фонду өлкө боюнча дээрлик 29 миң кыргызстандыкты, анын ичинде 815 майыптыгы бар жарандарды окутууну уюштурган.

Курска катышуу 97%, ишке орношуу 69% түздү.