2024-жылы Кыргызстандын, Тажикстандын, Армениянын жана Беларустун славян университеттери 650 млн рубль өлчөмүндө кошумча каржылык колдоо алышат. Бул тууралуу Тажикстандын “XOBAP” улуттук маалымат агенттиги жазды.

Белгиленгендей, акча КМШ өлкөлөрүндө орус тилин сактоо жана өнүктүрүүдө негизги ролду ойногон ЖОЖдорду колдоого багытталат.

"Акча славян университеттерине материалдык-техникалык базасын жакшыртууга, жаңы билим берүү программаларын жүргүзүүгө, квалификациялуу окутуучуларды тартууга жана орус тилин жана орус маданиятын жайылтууга багытталган иш-чараларды өткөрүүгө мүмкүндүк берет", - деп айтылат маалыматта.

Бул чара Орусия менен КМШ өлкөлөрүнүн ортосундагы тыгыз маданий жана билим берүү байланыштарын колдойт.