Мамлекеттик салык кызматы ушул жылдын беш айынын жыйынтыгы боюнча өлкөнүн мыкты салык төлөөчүлөрүн аныктады. Бул тууралуу аталган мекемеден билдиришти.

Ага ылайык, бюджеттин киреше бөлүгүн түзүүдө жигердүү катышкандыгы, экономиканын өнүгүшүнө кошкон зор салымы, салык мыйзамдарын ак ниеттүүлүк менен аткаргандыктары үчүн Кыргызстандын мыкты салык төлөөчүлөрү болуп 15 компания аталган.

• өндүрүш жана курулуш жаатында – "АДЖИ-СЕРВИС" ЖЧК, "Торгово-финансовый Холдинг Пром Инвест" ЖЧК, "Аслан Кабель" ЖЧК, "Карибе Юг" ЖЧК, "Кул Брос" ЖЧК, "Жаныбек Айтматова" ЖЧК;
• соода жана тейлөө жаатында – "РСК Банк" ААК, "Яндекс.Такси Корп" ЖЧК, "Кыргызско-Швейцарский Банк" ЖАК, "Фуд Дрим" ЖЧК, "Бир айыл – бир продукт" коомдук бирикмеси, жеке ишкер Ракия Асанбаева, "Баткен билим берүү борбору" мекемеси, Оштогу муниципалдык "Жылуулук камсыздоо" ишканасы;
• айыл чарба жаатында – "Агро Куш" ЖЧК.

Мыкты салык төлөөчүлөргө тийиштүү сертификаттар жана төш белгилер кечээ, 3-июлда тапшырылды.