Үстүбүздөгү жылдын I кварталында кайра иштетүү өнөр жайында 52,6 млрд сомдук продукция өндүрүлдү. Бул тууралуу Экономика жана коммерция министрлигинин басма сөз кызматы билдирди.

Маалыматка ылайык, 2022-жылдын январь-мартында кайра иштетүү өнөр жайында реалдуу өсүш 114,7%ды түздү

Өндүрүштүн өсүшү төмөнкү өнөр жай тармактарында белгиленген:

мунай продуктуларын өндүрүү (+31,8%);

жыгач жана кагаз буюмдарын өндүрүү (+25,5%);

фармацевтика (+21,3%);

негизги металлдар жана даяр металл буюмдары (+ 20,3%);

тамак-аш өнөр жайы (+14,1%);

текстиль өндүрүшү, тигүү жана бут кийим өндүрүшү (+5,8%).

"Курулуш сектору дагы оң динамикасын көрсөтө баштады. Үстүбүздөгү жылдын 3 айынын жыйынтыгы боюнча өсүш 2,2%ды түздү. Биринчи чейректин жыйынтыгы боюнча дүң (+11,8%) жана чекене (+7,3%) сооданын көлөмүнүн өсүшү байкалган", - деп айтылат маалыматта.