Былтыр 2022-жылы өнөр-жай ишканалары тарабынан туризмди өнүктүрүү үчүн чыгарылган товарлар 1 347,5 млн. сомго, же өткөн жылга караганда 12 пайызга көп өндүрүлгөн. Бул тууралуу Улуттук статистика комитети "Кыргызстандагы туризм" аттуу жылдык отчетунда жарыялаган.

Маалыматка ылайык, өндүрүүнүн көлөмүнүн жогорулашы минералдык сууларды жана улуттук суусундуктарды чыгаруунун - 12,5 пайызга, улуттук кийимдерди - 5,6 пайызга, калпактарды - 12,0 пайызга, боз үйлөрдү - 41,3 пайызга, ошондой эле сувенирлерди - 33,8 пайызга өсүшү менен шартталды.

Ошондой эле, 2022-жылы мурунку жылга салыштырмалуу шахмат, нарды жана башкаларды өндүрүү 31,5 пайызга, улуттук килемдерди өндүрүү 1 пайызга кыскарган.