Кыргызстанда 2024-жылдын январь-май айларында 299,3 млн даана жумуртка өндүрүлгөн, бул 2023-жылдын ушул мезгилине салыштырмалуу 7,3%га көп. Бул тууралуу Улуттук статистика комитетинин маалыматтарында айтылат.

Белгиленгендей, бул аралыкта айыл чарба ишканалары Кыргызстанда жумуртканын негизги өндүрүүчүсү болгон, (өткөн жылга салыштырмалуу 22,3% өскөн), фермердик чарбалар жумуртка продукциясын чыгарууну 6,7%га, 86,1 млн даанага көбөйткөн.

Ушундай эле тенденция Орусияда байкалып, чарбалар өндүрүштү 6,6% көбөйткөн.

Бирок Кыргызстанда жана Арменияда үй чарбаларында жумуртка өндүрүү азайган. Биздин өлкөдө 9,3%, Арменияда 27,9% төмөндөгөн.

Кошумчалай кетсек, ЕАЭБде 22,5 млн даана жумуртка өндүрүлгөн.