Кыргыз Республикасынын айрым мыйзамдарын бузгандыгы үчүн "Сапат" билим берүү комплексине жазма эскертүү берилди. Бул тууралуу Монополияга каршы жөнгө салуу кызматынын басма сөз кызматы билдирди.

Маалыматка ылайык, билим берүү комлекси КРнын "Керектөөчүлөрдүн укуктарын коргоо жөнүндө" жана "Билим берүү жөнүндө" мыйзамын бузгандыгы үчүн эскертүү алган. Анын алкагында окуу жайдын сайтындагы билим берүүнүн бааларын чет өлкөлүк валютада көрсөтүү менен маалыматтарды таратуу фактылары жоюулушу зарыл.

Мындай чечим кабыл алууга төмөнкү мыйзамдарды бузгандыгы негиз болгон:

• КРнын «Керектөөчүлөрдүн укуктарын коргоо жөнүндө» Мыйзамынын 9-беренесинин 2-бөлүгүнүн 7-абзацын;
• КРнын «Билим берүү жөнүндө» 43-2 беренесин.

"Анда товарлар (иштер, кызмат көрсөтүүлөр) жөнүндө маалымат милдеттүү түрдө товарлардын (иштердин, кызмат көрсөтүүлөрдүн) жана (же) пайыздык туюнтмадагы баасы, комиссиялык сый акылары жана тарифтери улуттук валютада көрсөтүлүшү керек, Кыргызстандын жарандары үчүн өлкө аймагында мамлекеттик, муниципалдык жана жеке билим берүү уюмдары тарабынан көрсөтүлүүчү билим берүү кызмат көрсөтүүлөрүнө акы төлөө билим берүү уюмунун банктык эсебине же казыналыктагы атайын эсебине акча каражаттарын чегерүү жолу менен, улуттук валютада жүргүзүлүшү керек. Ошол эле учурда, окуу жайдын сайтында билим берүүнүн баалары АКШ долларында көрсөтүлгөн",- деп айтылат маалыматта.