Эл аралык «Манас» аэропорту штаттык режимде иштеп жатканын мекеменин басма сөз кызматы билдирди.

[news 29247]

Маалыматта айтылгандай, аэропорттун иштебей жаткандыгы тууралуу айрым ЖМК жана социалдык тармактарда тарап жаткан маалыматтар чындыкка дал келбейт.

«Учурда кызматкерлер иш ордунда жана өз милдеттерин аткарууда», - деп айтылат маалыматта.

Эскерте кетсек, буга чейин «Манас» эл аралык аэропортунун директорлорунун кеңешинде Бактыбек Сыдыковду жетекчилик кызматка дайындоо боюнча чечим кабыл алынган.