Талас облусунун Покровка айылында бетон заводу ачылды. Бул тууралуу президенттин облустагы өкүлчүлүгү билдирди.

Заводдун курулушуна 85 млн сом сарпталган.

Заводдун ачылышына облус башчысы Нурдан Дарданов баштаган жергиликтүү бийликтин өкүлдөрү жана тургундар катышкан.

Ишкана жеке ишкерлер Азамат Айтбеков жана Жолдошбек Жуманалиевдер тарабынан салынган. Завод үчүн жергиликтүү бийлик 2 гектар жер бөлүп берген. Эми ал жакта 30 киши иштейт. Ишкана бетон мамычаларын, шакекчелерди, бетон арыктарды жана башка продукцияларды чыгарат.