Мамлекеттик салык кызматы бирдиктүү салык отчетунун жаңы формаларын бекитип, маалыматтык системага жайгаштырды. Бул тууралуу аталган мекемеден билдиришти.

Маалыматка ылайык, эски бланкалар боюнча мурда берилген отчеттор кабыл алынды деп эсептелет жана аларга административдик айып салынбайт.

Отчетторду тапшырууга үлгүрө элек салык төлөөчүлөр муну веб-сайттагы жеке салык кызматына тиешелүү форманы тандоо менен жасай алышат:

• орто бизнестин бирдиктүү салыгы боюнча отчет - 091_4;
• ири бизнестин бирдиктүү салыгы боюнча отчет - 091_4_1;
• чакан бизнес үчүн бирдиктүү салык отчету - 091_4_2.