«Газпром Кыргызстан» компаниясы Токмок шаарынын четинде жайгашкан метан куюучу жайын толук реконструкциядан өткөрүп, анын жыйынтыгында станциянын кубаттуулугу эки эсеге жогорулатылды. Бул тууралуу компаниянын басма сөз кызматы билдирди.

Маалыматка ылайык, мындан ары бир эле учурда 6 машинага метан куйса болот жана анын ылдамдыгы мурункугу караганда үч эсеге жогорулатылды. Бул жай жана күз мезгилиндеги чегине жеткен жумуш убактысында кезек күтүү маселесин чечкенге жардам бермекчи.

Эмнелер курулат жана жаңыртылат:

• 32 жылдан бери иштетилип келе жаткан жабдуулар жаңыртылат. Бул газдын басымын кысуу жана кое берүү ылдамдыгын 3 эсеге жогорулатат. Компрессордук орнотмолор саатына 2000 куб өлчөмүндөгү газдын басымын кысат.
• эки түтүктүү метан куюучу 3 колонкалары курулат. Жыйынтыгында 6 машина бир эле учурда метан куюу мүмкүнчүлүгүн алат;
• метанды кое берүү автоматташтырылат. Газды эсепке алуу боюнча жаңы система орнотулду.
• автоматтык түрдө кургатуучу тутуму орнотулат. Бул газдын сапатын жогорулатууга жардам берет – автомобилдин кубаттуулугу, кыймылдаткычтын иштөө мөөнөтү жогорулайт жана чыгым азаят.

Айта кетсек, метан менен жылына 50 000 сомго чейинки каражатты үнөмдөсө болот. Тактап айтканда, Метан 92 бензинден 2,4 эсеге арзан: 100 чакырымга чыгымы 10 литрди түзгөн унаанын айдоочусу (күнүгө 33 чакырым жүрсө) жылына 47 725 сом каражат үнөмдөй алат.