Опубликовано
15.08.2023, 05:06Жалал-Абад облусунда 1-сентябрга карата жалпы 17 мектеп пайдаланууга берилет. Бул тууралуу президенттин аталган облустагы өкүлчүлүгү билдирди.
Маалыматка ылайык, имараттардын басымдуу бөлүгү республикалык бюджеттен каржыланган.
"12 мектеп өлкө казынасынан, 1 мектеп жергиликтүү бюджеттен, калган 4 мектеп эл аралык фонддордун каржылык көмөгү менен курулду", - деп айтылат маалыматта.
Белгиленгендей, райондор боюнча алганда Аксы районунда 3, Ала-Бука районунда 2, Базар-Коргон районунда 2, Ноокен районунда 2, Сузак районунда 5, Токтогул районунда 2, Тогуз-Торо районунда 1 мектеп курулууда.
Кошумчалай кетсек, облус боюнча жыл аягына чейин жалпы 20 мектеп бүткөрүлөт.
