Министрлер кабинетинин төрагасы Акылбек Жапаров Евразиялык патенттик ведомствонун президенти Григорий Ивлиевди кабыл алып, Григорий Ивлиевди Евразиялык патенттик ведомствонун президенти кызматына киришүүсү менен куттуктап, маектешине бул кызматтагы алгачкы расмий сапарын Кыргызстандан баштаганы үчүн ыраазычылык билдирди.

Министрлер кабинетинин төрагасы белгилегендей, Кыргызстан Евразиялык патенттик уюмдун интеллектуалдык менчиктин жана инновациялардын натыйжалуу тутумун калыптандыруудагы, Евразия патенттик уюмуна мүчө мамлекеттерди технологиялык жана инновациялык өнүктүрүүдөгү ролуна жана салымына чоң маани берет.

“Жапаров биздин өлкөнүн патенттик иштеги улуттук потенциалын чыңдоо боюнча биргелешкен долбоорлорду ишке ашыруу үчүн, интеллектуалдык менчикти башкарууда жана инновацияларды иштеп чыгууда Евразиялык патенттик ведомство менен кызматташууну активдештирүүгө даярдыгын тастыктады”,-деп айтылат министрлер кабинетинин басма сөз кызматы тараткан билдирүүдө.

Өз кезегинде Григорий Ивлиев Евразиялык патенттик ведомствонун ишмердүүлүгүнүн негизги багыттары жана Евразиялык патенттик уюмга мүчө өлкөлөр менен кызматташууну өнүктүрүү пландары тууралуу айтып берди.