Үстүбүздөгү жылдын алгачкы үч айында эмгек, социалдык камсыздоо жана миграция министрлигинин ишке орноштуруу кызматтарына 44,5 миң адам кайрылган. Анын ичинен 2,2 миң адам жумушка орношкон. Бул тууралуу Эмгек, социалдык камсыздоо жана миграция министрлигинин басма сөз кызматы билдирди.

Маалыматка ылайык, азыркы учурда 3,4 миң адам ишке орношту, калгандарына Эмгек жана иш менен камсыз кылуу жөнүндө мыйзамдар, кесиптик окутуу жана кайра окутуу мүмкүнчүлүктөрү, кесип тандоо боюнча консультациялар берилди.

“1644 адам эмгек рыногунда талап кылынган кесиптер боюнча – газ электр ширетүүчү, чач тарач, компьютер оператору, 1С билими бар бухгалтер, ашпозчу, тигүүчү, тигүүчү, кеңсе менеджери, электр куроочу, айдоочу боюнча кесиптик окутууларга жөнөтүлүштү. Акы төлөнүүчү коомдук иштерге 2450 адам жиберилген. 157 жаран жумушсуздук боюнча жөлөк пул алышат”,- деп айтылат маалыматта.

Ошондой эле Иш менен камсыз кылуу кызматына билдирилген бош жумуш орундарынын саны 4,9 миң бирдикти түздү, алардын ичинде жумушчу адистиктерге суроо-талап басымдуулук кылды. Бир бош жумуш ордуна 28 адам талапкер болгон.

Белгилей кетсек, расмий жумушсуздуктун жогорку деңгээли Баткен (6,1%) жана Жалал-Абад (5%) облустарында байкалат. Жумушсуздуктун төмөн деңгээли-Бишкек шаарында (1,3%) жана Чүй облусунда (1,6%).