2019-жылы жүргүнчүлөрдү ташыган авиакаттамдардан түшкөн киреше 7.6 млрд сомду тузгөн. Анын ичинен дээрлик 80% эл аралык каттамдардан, 20% ички аба каттамдардан катталган. Бул тууралуу Улуттук статистикалык комитети билдирди.

«Будапешт-Бишкек» аба каттамы жарым жыл аралыгында ачылышы мүмкүн

Азыркы учурда жүргүнчүлөрдү ата мекендик «Эйр Манас», Avia Traffic Company жана TEZ JET авиакомпаниялары ташууда.

Аба майданында иштеген кызматкерлердин орточо саны 2019-жылы 1.3 миң адамды түзгөн.

2019-жылы улуттук аба жүргүнчүлөрдү ташуу көлөмү дээрлик 1 млн адамды түзгөн. Анын ичинен 48% эл аралык каттамдарды түзгөн жана дээрлик 53% ички каттамдарга тиешелүү.

Ошол эле учурда, аба транспорту менен жүргүнчүлөрдүн жүгүртүлүшү 2 миллиарддан ашуун жүргүнчү-километрди түзгөн.

Кошумчалай кетсек, жыл сайын октябрь айында республикада авиация күнү белгиленет.