Келерки жылдан тарта айыл чарба өнүмдөрүн өндүрүүчүлөрдү колдоо максатында бериле турган насыя каражаттары толугу менен кайра кайтарымдуу болот. Мындайча айтканда, «Айыл чарбасын каржылоо-9» долбоорунун алкагында берилген насыя каражаттары жеңилдетилбейт. Бул тууралуу каржы министринин орун басары Улугбек Кармышаков Жогорку Кеңештин Бюджет жана финансы комитетинде Өкмөттүн «Айыл чарбасын каржылоо-8» долбоору боюнча маалымат угулуп жатканда билдирди.

Депутат Кенжебек Бокоев долбоордун алкагында бериле турган 1 млрд 250 млн сом көлүмүндөгү каражатты толугу менен кайтарымдуу кылса болор-болбосуна кызыкты.

Каржы министрлигинин өкүлү насыя каражаттарын толугу менен кайтарымдуу кылса болорун, бирок анда жазгы талаа жумуштары кыйла создугуп каларын билдирди.